Ali təhsil müəssisələrinin magistraturalarına keçiriləcək müsabiqədə iştirak etmək üçün ərizələrin qəbulu başa çatıb.  2013/2014-cü tədris ili üçün respublikanın ali təhsil müəssisələrinin magistraturalarına ərizələrin qəbulu başa çatıb. Bakalavrlar “Bakalavrın elektron ərizəsi” formasını 2013-cü il fevralın 11-dən 21-dək olan müddətdə doldurmuş və ərizələrini 2013-cü il fevralın 12-dən 22-dək (saat 17:00-dək) olan müddətdə təsdiq etdiriblər. 

İlkin statistik məlumatlara əsasən imtahanda iştirak etmək üçün 21622 bakalavr ərizə verib. Onlardan 19079 Azərbaycan bölməsi, 2543  nəfəri rus bölməsi üzrə imtahan verəcək.  

İmtahanın birinci mərhələsi 2013-cü il martın 3-də keçiriləcək və bakalavrlara ümumi intellekt səviyВ¬yəsinin (məntiqi təfəkkürun) yoxlanılması üzrə 50, informatika üzrə 25 və xarici dil üzrə 25 test tapşırığı təqdim olunacaq.  

İmtahanda iştirak etmək üçün bakalavrlar fevralın 28-dən etibarən elektron ərizələrinə daxil olaraq "İmtahana buraxılış vərəqəsi"ni çap edib götürməlidirlər. Orada göstərilən ünvanda və tarixdə imtahanda iştirak etmək üçün "Bakalavrın imtahana buraxılış vərəqəsi"ni və şəxsiyyəti təsdiq edən sənədi imtahana mütləq gətirməlidirlər.