Gürcüstan prezidenti Mixail Saakaşvili ölkəsini xaricdə təmsil edən səfirlərə gürcü şərabını reklam etməyi tapşırıb. “KƏLAMİNFO” “Qruziya-onlayn”a istinadən xəbər verir ki, Kvarelidə yeni şərab zavoduna baş çəkən prezident bütün səfirlərə gürcü şərabını satmağı tapşırdığını deyib: “Çünki insanlar bizim şərabın dadını biləcəklər. Bu da üzümün bahalaşmasına səbəb olacaq. İndi mənim məqsədim yaxın 3-4 ildə üzümün bir kq-nın 2 lariyə kimi qalxmasıdır”. O, hazırda Vaşinqtonda gürcü şərabı barının açılmasını planlaşdırıldığını deyib: “Bütün ora gələn turistlərə kiçik bir şüşə şərab verəcəyik. Bununla da onun dadının bütün dünyada bilinməsini istəyirik. Sonra isə qiymətləri qaldıracağıq”. Onun sözlərinə görə, gələcəkdə beş yeni şərab zavodunun istehsalını planlaşdırırlar.

+  -  Çap