Azərbaycana səfəri təxirə düşən İranın xarici işlər nazirinin müavini Səid Abbas Ərəqçinin Bakıya nə vaxt gələcəyi məlum deyil. “KƏLAMİNFO” xəbər verir ki, bu barədə jurnalistlərə açıqlamasında Azərbaycan Xarici İşlər Nazirliyinin mətbuat katibi Elman Abdullayev bildirib. O qeyd edib ki, səfərin təxirə salınması İran xarici işlər nazirinin müavininin gərgin iş qrafiki ilə bağlıdır: “Səfər qeyri-müəyyən tarixə qədər təxirə düşüb”.
Qeyd edək ki, İran xarici işlər nazirinin müavininin səfəri bu günə planlaşdırılmışdı.

+  -  Çap