Ombudsman informasiya almaq hüququ üzrə nəzarəti, “İnformasiya almaq haqqında” Qanunun həyata keçirilməsinə şəraitin yaradılmasını və bu qanundan hamının yararlanmasını həyata keçirəcək. “KƏLAMİNFO” xəbər verir ki, bunu jurnalistlərə açıqlamasında Ombudsman Elmira Süleymanova deyib. Artıq bu istiqamətdə müzakirələrə başlanıldığını diqqətə çatdıran E.Süleymanova qeyd edib ki, Ombudsman Aparatında struktur dəyişikliyi olanda, burada jurnalistlər də təmsil olunacaq: “İnformasiya almaq haqqında” Qanunun daha səmərəli şəkildə həyata keçirilməsini istəyirik. Mənə elə gəlir ki, aparılan müzakirələr öz nəticəsini verəcək”,-deyə E.Süleymanova əlavə edib.

+  -  Çap