|
|
Səhifələr : # « 12 13 14 15 16 17 18 19 20 » #
|
|
Əli Hüseynli: “Yenidən proporsional sistemə keçilməsinə ehtiyac yoxdur”
|
|
“Mən vaxtı ilə seçki sistemindəki dəyişikliklə bağlı Konstitusiyaya edilən dəyişikliklərin tərəfdarı olmuşam. Yəni proporsional seçki sisteminin majoritar sistemlə əvəz olunmasının tərəfdarı olmuşam, indi də hazırkı sistemin tərəfdarıyam”. “KƏLAMİNFO” xəbər verir ki, bu barədə Milli Məclisin Hüquq siyasəti və dövlət quruculuğu komitəsinin sədri Əli Hüseynli bildirib.
O qeyd edib ki, hazırkı seçki sistemi ən ideal sistemdir və yenidən proporsional sistemə keçilməsinə ehtiyac yoxdur: “Mən bu təkliflərin əleyhinəyəm və hesab edirəm ki, hazırkı tam majoritar sistem daha münasibdir”.
Qeyd edək ki, Milli Məclisin bir neçə üzvü Azərbaycanda proporsional seçki sisteminin bərpası ilə bağlı təkliflər səsləndiriblər.
|
23.10.12 Məqaləni oxumaq
|
| |
|
|
|
Bahar Muradova Qurban bayramı ərəfəsində Füzulidə olub
|
|
Müqəddəs Qurban bayramı ərəfəsində Milli Məclis sədrinin müavini Bahar Muradova Füzuli rayonunda olub. “KƏLAMİNFO” xəbər verir ki, Bahar Muradova ilə rayon rəhbərliyinin, ictimaiyyət nümayəndələrinin, Yeni Azərbaycan Partiyası fəallarının və rayon sakinlərinin görüşü olub.
Qazaxlar kənd və Horadiz şəhər 2 nömrəli orta məktəblərdə keçirilən görüşlərdə Bahar Muradova və Füzuli rayon İcra Hakimiyyətinin başçısı Alı Alıyev çıxış edərək rayon ictimaiyyətini Qurban bayramı münasibətilə təbrik edib, ölkəmizdə gedən sürətli sosial-iqtisadi inkişafdan, əhalinin sosial problemlərinin həlli, məcburi köçkünlərin həyat şəraitinin yaxşılaşdırılması istiqamətində həyata keçirilən tədbirlərdən danışıblar. Füzuli rayon İcra Hakimiyyətinin başçısı Alı Alıyev rayonun işğaldan azad edilmiş ərazilərində aparılan geniş miqyaslı quruculuq və abadlıq işlərindən danışıb. O, yerlərdə keçirilən bu cür görüşlərin əhalinin qayğı və problemlərinin öyrənilməsi və operativ həllinə imkan verdiyini vurğulayıb.
Görüşlərdə Alı Alıyev sakinlərin problemləri ilə maraqlanıb və məsələlərin həlli istiqamətində tədbirlər görülməsi üçün tapşırıq və tövsiyələrini verib.
|
|
23.10.12 Məqaləni oxumaq
|
| |
|
|
|
Azad Rəhimov: “Gənclərlə iş Azərbaycan üçün hər zaman çox vacib sosial və humanitar sahədir”
|
“Gənclər və onlarla bağlı aparılan iş Azərbaycan üçün hər zaman çox vacib sosial və humanitar sahədir”. “KƏLAMİNFO” xəbər verir ki, bunu jurnalistlərə açıqlamasında gənclər və idman naziri Azad Rəhimov bildirib.
O qeyd edib ki, bu sahə daima Azərbaycan Prezidenti İlham Əliyevin diqqət və qayğısı əhatəsindədir: “Bu gün gənclərlə bağlı vacib amillərdən biri də dünyaya inteqrasiya məsələsidir və bu istiqamətdə Azərbaycan dövləti uğurlu addımlar atıb. Xüsusilə MDB Gənclər Şurasında aktivliyimiz gənclərimizin inteqrasiya məsələsində başlıca rol oynayır. Məhz bu aktivlik nəticəsində nəinki MDB Gənclər Şurası, o cümlədən digər beynəlxalq təşkilatların gənclər birlikləri bir sıra müzakirələri Bakıda həyata keçirirlər”.
|
|
20.10.12 Məqaləni oxumaq
|
| |
|
|
|
Nuşirəvan Məhərrəmli: “Prodakşn şirkətlərinə birbaşa maliyyə vəsaitləri ayırmaq lazımdır”
|
|
“Azərbaycanda çəkilən seriallara əlavə vəsaitin ayrılması gündəmdədir və bu proses üzərində iş gedir. Əgər vəsait ayrılarsa, o zaman prodakşn şirkətlərinə də birbaşa maliyyə vəsaitləri ayırmaq lazımdır”. “KƏLAMİNFO”nun məlumatına görə, bunu Milli Televiziya və Radio Şurasının (MTRŞ) sədri Nuşirəvan Məhərrəmli bildirib. Onun sözlərinə görə, ölkədə televiziya kanallarının serial çəkməsində deyil, prodakşnların serial çəkməsində maraqlı olmaq lazımdır: “Çünki telekanallara bu dəstək hər zaman olmayacaq. Ona görə də kino sahəsində çalışan şirkətlər güclənməli, özləri filmlər çəkməli və efirdə yaranan boşluğu doldurmalıdırlar”.
Hazırda göstərilən serialların keyfiyyətinə gəlincə, Şura sədri deyib ki, bir il öncə ilə müqayisədə irəliyə doğru müəyyən dəyişikliklər var: “Amma bu serialların keyfiyyətindən tamamilə razı qalmaq mümkün deyil. Hələ də müəyyən çatışmazlıq və nöqsanlar var. Bayağılıq, şitlik, aktyorların hərəkətlərində sünilik qeydə alınır. Amma onu da qeyd etməliyik ki, bu nöqsanlar tədricən aradan qaldırılır. Dörd ay əvvəl baxdığımız seriallarla indikilər arasında həm aktyorların seçilməsində, həm də keyfiyyət baxımından böyük fərq var”.
|
|
19.10.12 Məqaləni oxumaq
|
| |
|
|
|
Ədəbi dilə daha çox riayət edən özəl telekanal mükafat qazana bilər
|
|
Özəl telekanallar arasında Azərbaycan ədəbi dilinə daha çox riayət edilməsilə bağlı müsabiqə elan edilə bilər. “KƏLAMİNFO” xəbər verir ki, bu barədə məlumatı "Azərbaycanın teleradio məkanında ədəbi dilin qorunması" layihəsi çərçivəsində aparılan monitorinqlərin nəticəsinə həsr edilən tədbirdə Milli Televiziya və Radio Şurasının sədri Nuşirəvan Məhərrəmli deyib.
N.Məhərrəmli qeyd edib ki, müsabiqənin nəticəsi olaraq mükafat təsis ediləcək. Onun sözlərinə görə, bu məsələ Şuranın qarşında duran əsas problemlərdən biridir. N.Məhərrəmli deyib ki, müsabiqə gələn il keçirilə bilər: “Hesab edirəm ki, belə bir müsabiqə televiziyalar arasında Azərbaycan dilinin qorunması ilə bağlı rəqabət yarada bilər ki, bu da çox yaxşı olar”.
|
|
18.10.12 Məqaləni oxumaq
|
| |
|
|
|
Mübariz Əhmədoğlu: “İrəvan bu əzələ nümayişindən təlaşa düşdü”
|
|
“Türkiyə Suriyaya uçan Ermənistan təyyarəsini ərazisində saxlamaqla İrəvana əzələ nümayiş elətdirdi”. “KƏLAMİNFO” xəbər verir ki, bu barədə politoloq Mübariz Əhmədoğlu bu gün keçirdiyi “Qarabağ saatı”nda bildirib.
O qeyd edib ki, bununla Türkiyə Ermənistana jest elədi ki, sabah lazım olarsa eyni təsiri Dağlıq Qarabağ məsələsində də edə bilər: “İrəvan bu əzələ nümayişindən təlaşa düşdü və dərhal Türkiyənin təyyarə ilə bağlı iradlarını qəbul etdi, sərt reaksiya verməyə cürət etmədi”. M.Əhmədoğlu deyir ki, bu gün Ermənistan Türkiyənin bölgədəki artan nüfuzunu görərək bu dövlətlə yaxınlıq eləmək istəyir: “Çünki bu gün regionda Rusiyanın hər üç ölkədə iqtisadi marağı olduğu halda ona qarşı müqavimət var, amma eyni halda iqtisadi marağı olan Türkiyəyə qarşı müqavimət yoxdur. Ona görə ki, Türkiyənin maraqları arzuolunandır. Ermənistan bundan narahatdır”.
|
|
17.10.12 Məqaləni oxumaq
|
| |
|
|
|
Jurnalistlər mükafatlandırıldı
|
|
Bu gün Səbail Rayon İcra Hakimiyyəti və Azərbaycan Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun birgə təşkil etdiyi fərdi jurnalist yazıları müsabiqəsinin yekunlarına həsr edilən tədbir keçirilib.
“KƏLAMİNFO” xəbər verir ki, tədbir Səbail RİH-də baş tutub.
Tədbirdə Səbail RİH-nin başçısı Asif Əsgərov, KİV DF-nin icraçı direktoru Vüqar Səfərli müsabiqə barədə məlumat veriblər. Qeyd olunub ki, müsabiqənin məqsədi Səbail rayonunun sosial-iqtisadi və ictimai həyatındakı proseslərin ictimaiyyətə daha yaxından çatdırılmasında peşəkar jurnalist yaradıcılığını stimullaşdırmaqdır. Bildirilib ki, müsabiqə iyulun 27-si başlayıb və sentyabrın 30-u başa çatıb. Bu müddət ərzində müsabiqəyə 29 yazı təqdim edilib. Yazılar ekspertlər tərəfindən qiymətləndirilib. O da diqqətə çatdırılıb ki, elan edilən müsabiqədə 13 yer nəzərdə tutulub.
|
|
17.10.12 Məqaləni oxumaq
|
| |
|
|
|
Siyavuş Novruzov: “Azərbaycandan molla gedib Fransada dini ayin icra edə bilərmi?”
|
|
Milli Məclisin bu gün keçirilən iclasında YAP icra katibinin müavini, deputat Siyavuş Novruzov Avropa Şurasının Venesiya Komissiyasının “Dini etiqad azadlığı haqqında” qanuna dəyişikliklərlə bağlı açıqlamasına iradlarını bildirib. “KƏLAMİNFO” xəbər verir ki, S.Novruzov Azərbaycanın dünyada dini məsələlərdə hər zaman nümunə kimi göstərildiyini vurğulayıb: “İndi isə Venesiya Komissiyası “Dini etiqad azadlığı haqqında” qanuna dəyişikliklər təklifi göndərib. Azərbaycanı sanki bir laboratoriyaya çevirmək, hansısa planları həyata keçirmək istəyirlər”.
O qeyd edib ki, Venesiya Komissiyasının təklifinə görə, xarici vətəndaşlara və vətəndaşlığı olmayan şəxslərə Azərbaycanda dini fəaliyyətlə məşğul olmağa, dini ayinləri icra etməyə icazə verilməlidir. “Dünyanın heç bir ölkəsində belə bir məsələ yoxdur. Azərbaycandan molla gedib Fransada dini ayin icra edə bilərmi? Dərhal onun haqqında həbs qəti imkan tədbiri həyata keçiriləcək. Əyər yaxşıdırsa, bu dəyişiklikləri birinci digər ölkələrdə tətbiq etsinlər” – deyə deputat vurğulayıb.
Novruzov Venesiya Komissiyasının təkliflərini qərəzli və qəbuledilməz olduğunu vurğulayıb: “Məsələ araşdırılıb, onlara qəti cavab verilməlidir”.
|
|
17.10.12 Məqaləni oxumaq
|
| |
|
|
|
İnternet idarəçiliyi ilə bağlı Milli Konfrans keçiriləcək
|
|
Azərbaycan İnternet Forumunun (AİF) təşkilatçılığı və İREX Media Azərbaycanın dəstəyi ilə 31 oktyabr tarixdə Azərbaycan İnternet İdarəçiliyi Forumu mövzusunda Milli Konfrans keçiriləcək. AİF-dən “KƏLAMİNFO”ya verilən xəbərə görə, Milli Konfransın məqsədi 6-9 noyabr tarixlərində Bakı şəhərində keçiriləcək beynəlxalq “Inetrnet Governance Forum” (İnternet İdarəçiliyi Forumu) ərəfəsində milli internet infrastrukturun vəziyyəti ilə bağlı peşəkarların və ekspertlərin iştirakı ilə müzakirələr aparmaqdır.
Tədbirin ölkəmiz üçün əhəmiyyətli olacağı ilə bərabər, təcrübə mübadiləsi və mövcud aktual problemlərin həlli istiqamətində də mühüm rol oynayacağı bildirilir.
|
|
16.10.12 Məqaləni oxumaq
|
| |
|
|
|
Fəzail Ağamalı: “Qarışıq seçki sisteminin tətbiqi siyasi mühit üçün əhəmiyyətli rol oynaya bilər”
|
|
Milli Məclisin üzvü, Ana Vətən Partiyasının sədri Fəzail Ağamalı Milli Məclisə seçkilərdə proporsional seçki sisteminin bərpasını və millət vəkillərinin sayının artırılmasını təklif edir. “KƏLAMİNFO” xəbər verir ki, jurnalistlərə açıqlamasında F.Ağamalı bildirib ki, Azərbaycanda siyasi sistemin gücləndirilməsi, siyasi partiyaların formalaşdırılması və siyasi proseslərdə fəallığının artırılması üçün proporsional seçki sisteminə keçilməsi mühüm əhəmiyyət kəsb edir: “Bunun üçün proporsional seçki sisteminin tətbiqinə böyük ehtiyac var. Mən çox arzulayardım ki, 2015-ci ilə qədər belə bir dəyişiklik həyata keçirilsin və biz həm majoritar, həm də proporsional seçki sistemindən istifadə edə bilək. Yəni bu, yenidən tətbiq olunsun. Çünki bunların hər birinin özünəməxsus üstünlükləri var”. O deyib ki, nə proporsional seçki sisteminin bütövlükdə tərəfdarıdır, nə də majoritar:
|
|
16.10.12 Məqaləni oxumaq
|
| |
|
|
|
Səhifələr : # « 12 13 14 15 16 17 18 19 20 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Yan.2026 | | | Ďí. | Âň. | Ńđ. | ×ň. | Ďň. | Ńá. | Âń. | | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
|
Açılış Səhifəsi et 
