“Əgər iqtidarla müxalifətin dialoqu baş tutarsa, bizim partiyanın xüsusi təklifləri olacaq”. Bunları “KƏLAMİNFO”ya açıqlamasında Ümid Partiyasının sədri, deputat İqbal Ağazadə bildirib. O qeyd edib ki, bu dialoq vacibdir və Azərbaycan cəmiyyətinin həll edə bilmədiyi bütün məsələlər bu dialoqda müzakirəyə çıxarılmalıdır. Onun sözlərinə görə iqtidar-müxalifət dialoqunda müzakirəyə çıxarılacaq məsələləri kateqoriyalara bölmək düzgün deyil: “Burada müzakirə ediləcək məsələlərə qeyri-ümummilli və ya ümummilli məsələ kimi yanaşmaq dialoq təklifinin reallaşmasına müsbət təsir göstərməyə bilər”. O bildirib ki, Azərbaycanda ümummilli məsələ tək Qarabağ problemi deyil.

Baxılıb: 330