İyulun 30-na olan məlumata görə, “Kapital Bank”ın xidmət məntəqələrinə 449 min 69 müraciət daxil olub. “KƏLAMİNFO” xəbər verir ki, bu barədə bankın İdarə Heyətinin sədri Elmar Məmmədov məlumat verib. Onun sözlərinə görə, bu müraciətlərdən 393 min 16-sı məntəqələrdən mərkəzə təqdim edilib. Bu dövr ərzində 263 min 215 əmanətçiyə ümumilikdə 147 131 879,60 manatlıq vəsait ödənilib: “Bildiyiniz kimi, fərdi birdəfəlik ödəmələrin verilməsi 65-i Bakı şəhərində, 78-i respublikamızın digər regionlarında olmaqla “Kapital Bank” tərəfindən ölkə üzrə yaradılmış 143 xidmət məntəqəsində həyata keçirilir”.

Baxılıb: 490