Milli Məclisin Sosial siyasət, Hüquq siyasəti və dövlət quruculuğu komitələri birgə Ailə Məcəlləsi və Cinayət Məcəlləsində növbəti dəyişikliklər hazırlayıblar. “KƏLAMİNFO” xəbər verir ki, bununla bağlı bu gün komitələrin birgə iclası keçirilir.
Cinayət Məcəlləsindəki dəyişikliyə əsasən, qadını nikaha daxil olmağa məcbur etmə 2 min manatdan 3 min manatadək miqdarda cərimə və ya 2 ilədək müddətə azadlıqdan məhrum etmə ilə cəzalandırılır. Eyni əməllər nikah yaşına çatmayan şəxs barəsində törədildikdə 3 min manatdan 4 min manatadək miqdarda cərimə və ya 4 ilədək müddətdə azadlıqdan məhrum etmə ilə cəzalandırılır. Ailə Məcəlləsinə dəyişikliklərdə isə qadınlar üçün nikaha girmə yaşının 17-dən qaldırılaraq 18 olması nəzərdə tutulur.

Baxılıb: 570